طريقة عمل الطعمية المصرية للشيف الشربيني

كتابة بشاير الخالدي - تاريخ الكتابة: 17 أكتوبر, 2020 3:51 - آخر تحديث : 29 أغسطس, 2021 6:53
طريقة عمل الطعمية المصرية للشيف الشربيني

طريقة عمل الطعمية المصرية للشيف الشربيني وطريقة عمل طعمية صحية خضراء والقيمة الغذائية للطعمية وأهم فوائد الطعميه، ذلك ما سوف نتعرف عليه خلال تلك المقالة.

طريقة عمل الطعمية المصرية للشيف الشربيني

مقادير طعمية

  • فول مدشوش
  • كرات بلدي
  • بصل
  • ثوم
  • كزبرة خضراء
  • كزبرة ناشفة
  • بقدونس
  • كمون
  • ملح
  • زيت
  • سمسم

طريقة تحضير طعمية للشيف الشربيني: 

  1. انقعي الفول المدشوش في الماء مدة ليلة كاملة، اضيفي اليه الكمون والخضرة من كزبرة وبقدونس وكرات والكزبرة الجافة والبصل والثوم ثم استخدمي المفرومة الكهربائية لفرمها تماما حتى تصبح لديكي عجينة.
  2. شكليها على هيئة اقراص وضعي عليها سمسم من الوجهين واقليها في زيت غزير.
  3. *ط لعمل كفتة الطعمية: افرمي الثوم مع بصل محمر وكمون وبقدونس مفرومة، واضيفيها لعجينة الطعمية، وشكليها على هيئة اصابع واقليها في زيت غزير ساخن.

 طعمية خضراء صحية مناسبة لمرضى ارتجاع المرئ والسكر وتقليل النشويات

المكونات:

  • 300جم فول ناشف صحيح بقشره (فول التدميس العادى) ننقعه فى الماء 6-8 ساعات
  • 100جم شبت او كزبرة خضراء او خليط
  • 100جم بصل مخرط
  • 5 فصوص ثوم – او معلقتين صغيرين مفروم
  • 3 ملعقة صغيرة ملح
  • نصف معلقة صغيرة شطة
  • معلقة صغيرة ورق لورا مطحون
  • نصف معلقة صغيرة قرفة مطحونة
  • عصير ليمونة

طريقة التحضير:

  1. نغسل الخضرة جيدا ونصفيها من الماء ثم نقطعها بالسكين مفرى.
  2. نصفى الفول من ماء النقع ونشطفه ونصفيه ثم نضربه فى الكبة حتى يصبح فتافيت.
  3. نضيف الخضرة فى كبة زى اللى فى الصورة ابو سكينتين او فى كبة براون.
  4. نضع الملح والشطة.
  5. نقشر البصلة ونقطعها ونضعها فوق الخضرة فى الكبة.
  6. المطلوب هو الحصول على عجينة متوسطة لا خشنة قوى لا ناعمة زى العجينة، المهم ان الخضرة تختفى فى العجينة ومتبقاش ظاهرة كفتافيت وهذا النوع من الخلاطات مناسب جدا لانه لا يصل ابدا الى درجة العجينة الناعمة مهما ضربنا – اما الكبة فهى تحتاج حرص اكبر لانها ممكن تهرى الفول وتخليه عجينة وخصوصا الكبات القوية مثل براون – فلازم نحرص على تشغيلها على شكل نبضات قصيرة جدا ومتكررة بحيث يبقى الفرم متوسط مش عجينة.
  7. بعد انتهاء الفرم ننقل عجينة الطعمية اللى حنستخدمها فى طبق – والباقى نضعه فى كيس بلاستيك ونبططه على صينية ليصبح مثل اكياس الملوخية المجمدة – وندخله الفريزر حتى يتماسك قليلا.
  8. اذا كان متوفر ثلاجة تبريدها قوى (1 او 2 درجة مئوية) نقدر نحفظ العجينة فيها اسبوعين طازجة ولا داعى للتجميد.
  9. نخرج الكيس بعد ان يتماسك وقبل ان يتجمد تماما – وبظهر سكينة او بمسطرة نعمل خطوط عميقة نقسم بيها العجينة 6 او 8 او 10 مربعات زى ما نحب عشان يبقى سهل ناخد قطعة واحدة فى كل مرة – ثم نعيد الكيس للفريزر ليكمل التجمد (عند الاستخدام من الافضل اخد قطعة قبلها بليلة من كيس الفريزر ووضعها فى علبة صغيرة فى الثلاجة عشان نلاقيها فاكة الصبح وجاهزة بدل ما ننتظر
  10. نحمص السمسم فى طاسة ناشفة مع التقليب السريع حتى يصبح لونه ذهبى فاتح (تحميص السمسم قبل خلطه فى العجينة بيدى الطعمية نكهة رائعة)
  11. نسخن الزيت وقبل قلى الطعمية مباشرةً نضيف السمسم ومعلقة صغيرة اواثنين من الكزبرة الصحيحة وربع معلقة صغيرة من البيكربونات للعجينة ونقلبها بمعلقة صغيرة تقليب سريع قوى – حنلاقى العجينة نفشت وارتفعت فى الطبق بفعل البيكربونات وتخلل الهواء فيها اثناء التقليب السريع – وبعدين فى الاخر نحط معلقة صغيرة نشا ونقلب برضه – ونبدأ ناخذ معلقة صغيرة من العجينة ونسقطها فى الزيت ثم ننتظر حتى نجدها بتتراقص فى الزيت ودة معناه ان الزيت بقت سخونيته مناسبة – بالمعلقة الصغيرة على طول نسقط العجينة معلقة ورا معلقة بسرعة – واحنا بناخد بالمعلقة لا نضغط على العجينة ولا نشكلها باصابعنا ولا حتى نلمسها – مهم جدا وضعها كما هى نافشة بدون ما نبططها – عشان تطلع مقرمشة ومستوية من جوة
  12. انا باستخدم معلقة صغيرة عشان الطعمية لما تكون صغيرة بتبقى مقرمشة وهشة ومستوية من قلبها اكثر من الطعمية الكبيرة
  13. تقليب السمسم فى العجينة افضل لان وضعه على وش الطعمية بيخلى بعض السمسم يقع من الطعمية فى الزيت وبالتالى يتحروق ويصعب تنظيف الزيت بعد القلى
  14. بعد ما تستوى من وشها نقلبها على ظهرها بشوكة (والافضل استخدام عود خشب طويل من اللى بنستخدمه سيخ لشوى الشيش طاووق) بحركات سريعة برضه
  15. نخرجها فى صفاية كبيرة ونضع تحتها وعاء لتلقى الزيت المصفى

ملحوظة هامة:

بعد ما نقلى الطعمية ضرورى نفلتر الزيت من بقايا الطعمية لانه المرة الجاية حيتسبب فى ان الزيت يغمق بسبب احتراق الفتافيت السابقة – فالافضل نجيب صفاية صغيرة مثل صفاية الشاى او اكبر شوية ونصفى الزيت فى وعاء تانى – ثم ننطر بقايا الطعمية من الصفاية ونعيد ارجاع الزيت للطاسة من خلال الصفاية مرة أخرى – وبالطريقة دى نقدر نستخدم نفس الزيت اكثر من مرة من غير لونه ما يتغير – بس نراعى دائما عدم وصول الزيت لنقطة الغليان اللى عندها الزيت بيبدأ يدخن – لو دة حصل لا تعيدوا استخدامه ويجب التخلص منه لاضراره الصحية

القيمة الغذائية للطعمية

  • طاقة 333 kcal
  • بروتين 13.31 g
  • دهون 17.8 g
  • الكربوهيدرات 31.84 g
  • كالسيوم، Ca 54 mg
  • الحديد، Fe 3.42 mg
  • الصوديوم، Na 294 mg
  • فيتامين ج، نهائي حمض الاسكوربيك 1.6 mg
  • فيتامين أ، Iu 13 IU
  • كولسترول 0 mg

فوائد الطعمية

يحتوي على الدهون الصحية

  • كما ذكرنا فإن مستوى الدهون قليل في الفلافل، ولكنه يحتوي على كمية جيدة من الدهون الصحية.
  • عادة حينما نتناول الفلافل نقوم بإضافة اللبن والخبز وبعض الخضراوات له، مما يزيد من فوائدها الصحية للمتناول.

يحافظ على مستويات السكر في الدم

  • لا يرتبط تناول الفلافل بالشعور المفاجئ بالطاقة، التي تختفي بسرعة كبيرة أيضاً، مثل تلك المرتبطة بتناول الأطعمة الغنية بالكربوهيدرات.
  • هذا الأمر من شأنه أن يحافظ على مستوى السكر في الدم بالشكل الطبيعي ويجنبك التعب والإرهاق المترافق للحالة السابقة.
  • فالفلافل يحتوي على كمية عالية من الألياف الغذائية، التي تمدك بالطاقة بشكل تدريجي، كما تشعر بالشبع لفترة أطول لان جسمك يحتاج لوقت أطول لهضمه.

مصدر للحديد

  • من أهم فوائد الفلافل أنه يعتبر مصدراً غنياً بالحديد المهم للصحة.
  • فجسم الإنسان يحتاج إلى الحديد من أجل انتاج خلايا الدم الحمراء، والتي تعمل على نقل الأكسجين إلى جميع أنحاء الجسم.
  • بالتالي في حال عدم تناول مصدر عالي بالحديد، ونقص مستوياته في الجسم، تكون كمية خلايا الدم الحمراء أقل في الجسم مما يتسبب في خلل في الأنسجة والعضلات بسبب نقص الأكسجين، ويكون الإنسان عرضة للإصابة بمرض فقر الدم.

يعزز صحة الإناث

  • خفض خطر الإصابة بسرطان الثدي
  • التقليل من هبات الحرارة التي تتعرض لها الإناث والمترافقة مع انقطاع الطمث
  • الحماية وخفض خطر الإصابة بهشاشة العظام.
  • هذه الفوائد كلها تأتي نتيجة غنى الفلافل بمضادات الأكسدة الضرورية والمهمة للصحة.


406 Views